الشاعر بدر بن عبدالمحسن

العمر أحبك - الشاعر بدر بن عبدالمحسن

لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح ... شلته افدربك
والله مابه غير لوعاتي قصور
وخوفي عليك الله ربي ..وربك
إلى متى ببني على صمتك جسور
لاحيرتني اسباب سلمك وحربك
العمر احبك... مابقي فينى شعور
ومتى جفاني العمر ... وشلون أحبك

إلا الهوى - ابعتذر - الشاعر بدر بن عبدالمحسن

ابعتذر .. عن كل شئ ..
إلا الهوى ..ماللهوى عندى عذر..
ابعتذر ..عن أي شي ..
إلا الجراح ..ماللجراح إلاالصبر ..
إن ضايقك انى على بابك أكر ..
ليلة ألم.. واني على دربك مشيت عمري وأنا
قلبي القدم ...
ابعتذر ..ابعتذر ...كلي ندم ...
عن كل شئ .. إلا الهوى ..
ماللهوى عندي عذر ...
اتصدقي ...ماخترت أنا أحبك ..
ما احد يحب اللي يبي ..
سكنتي جروحي غصب ..
ياحبي المر..العذب ...
ليت الهوى وانتى ...كذب
كان اعتذرلك عن هواى ..
وماأقول أنا كوني معاي ..
ان ضايقك انى على بابك امر..
ليله ألم ...
وانى على دربك مشيت عمري وأنا ..
قلبي القدم ...
ابعتذر ..ابعتذر .. كلي ندم ..
عن كل شئ .. إلا الهوى ..
ماللهوى عندي عذر ..
الله كريم ..حبك ..يكون..
همي القديم ..
وجرحي القديم ...
والله عليم .. يا أحلي العيون ..
ان الفراق .. جزا الفراق ..
ابوعدك ..كان الطريق بيبعدك ..
بامشي بطريق ..
وكان الحجود بيسعدك ...
مالي رفيق ..
ابجمع اوراق السنين ..وأودعك..
كان الفراق اللي تبين ... الله معك

ليل التجافي - الشاعر بدر بن عبدالمحسن

آآه ... من ليل التجافي ... ماأطوله
ليلة العاشق ... ثوانيها ليال
من يقول الشمس باكر مقبله
كل شمسٍ مالها وجهك ....ظلال
بسألك باللي خذى منك الوله
وحطه اف صدري ... واعطاك الجمال
حاكني ... لجل الليالي ...الآوله
آه انا بموت من ذل ... السوآل
هو صحيح انك حبيبي اللي دله
واستوى ... عندك فراقي ... والوصال
كل جرحٍ غير ... جرحك بقبله
وكل ظلم ٍ ...غير ظلمك لي ... عدال

حسايف - الشاعر بدر بن عبدالمحسن

التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... عمرها ماجت على وقت الوعد ..
إلا ذاك اليوم ..
وعمرها .. مابكت .. وماضحكت ..
ماحكت له .. واسكتت
مثل ذاك اليوم ..
كانت اجمل من خياله .. كانت انظر ..
كانت اكثر .. من أماني عمره الظامي حنين ..
واختفت .. من كساها الليل باللون الحزين ..
اختفت في الطريق اللي معه..
كانت تجيه ..
كيف دربٍ جمعه معها .. خذاه..
ليتها اختارت سواه..
تزرع الفرقا لياليها .. عليه ..
وحسايف ... حسايف

شاعر كبير بمعنى الكلمه
-
مشاالله تبارك الله

مشكور ررر

شــكـــرآ لـــك
علــى طــرحــك الــراقـــي
تــقبــل مـروري